شو يعني حصار !

[دلع القمر]

شو يعني حصار؟


من عامين وبلدنا تحب الحصار!!
شومافهمتش !!!!


بسيطة..رح اقولك باختصار

بلدنا سجن كبير..ملوش سقفيّة..الا جدار
المساحة 360كم2 وعدد السكان مليون ونص! مش كتار!!


ماتسألنيش عن العملة..عن العاصمة

رجاءً بدون اصرار

الله يسعدك ماتجنيش ازا علم البلد الأصلي طاااار!!

طيب قلّي كيف الوضعكيف الاحوال؟

بطالة ... مافش اشغال!!

وينهم اصحاب رؤوس الاموال؟
الله بيعلم بس اكيد بشتغلوا في الحلال!!!

اضراب معلمين..فش معاشات
تعليق طلاب...فش محاضرات


كل واحد ساكن هون...رح يضل محبوس هون...
هيك وصّانا شارون!!

المعابر مش رح نفتخ...لا بكرا ولا بعده ولا بعد الف يوم!!
(جندي اسرائلي يتحدث)


المي مقطوعة...الكهربا مقطوعة..وخط التلفون مقطوع....
الله يقطعها من عيشة.بس الفواتير اللي عمرها مابتنقطع...ياالله يقطعها!!!

أبواب السجن مسكرة
المي الي بتوصلنا معكرة!!
فش بضاعة مستوردة تدخل...وصناعة محلية يدوبك عنا
المحلات بتفضى...والمستودعات شو بتحمل
ريح راسك..واحفر نفق..هرب بضاعة..احسن حل لــ النا

بضاعة تهريب...اسواق سود..الطلب عالي..استهلاك رهيب..والعرض محدود!!

كل الاسعار قاعدة بتغلى..جرة الغاز بتفضى!!
والقهوة مش راظية تغلى!!


بلكن تفهم شو يعني حصار!!!
منع تجول – ما في طلعة من الدار!ا
احمد ربك لسا عندك دار...
جارك بيته انقصف وطاار!!
والله مش هاين علي اسملّك بدنك
بس بدك تعرف... ممكن يستشهد ابنك!!ا



بنقعد بالليل على ضو الشمعة
بدرّس ابني وبقلبي دمعة
خايف شي يوم يطلع عالمدرسة
يرجع شهيد ويموت حلم الهندسة

بس إزا بدك الصحيح يا ريت نكووون كلنا شهدا وما نكون متل كل هالعرب المكنسة

سميتلك بدنك غصبن عني... بس هاد تعريف بسيط (للحصار)ا
غلط غيري وسماها اتفاقيات سلام... في الواقع هيّ معاهدات دمار!
شاطرين في الشعارات "بناء دولة فلسطين مستقلة وعاصمتها القدس"
آآه ه ه مزبوووووط!!! يبقى موووووت يا حمااارر!!!

لسا بتسألني "كيف حالك"؟ شو بدك ياني اقولك !!ا

متسخّم وماكل هوا --- والوضع دايماً برجع لورا
بس " عايش – منيح – -- تمام"
خذ منّي وعد... بحلفلك ـ السمـــا .. ْ~

رح اضلني فلسطيني و راسي مرفوووع!!!

رغم كل الــــي صـــار

[ليمار]

خذ منّي وعد... بحلفلك ـ السمـــا .. ْ~

رح اضلني فلسطيني و راسي مرفوووع!!!

رغم كل الــــي صـــار

بارك الله بكم وبإنتمائكم يا أحفاد صلاح الدين
دلع بارك الله بك وبإنتقاءاتك

[دلع القمر]

نورتي موضوعي ليمار


تحياتي الك

[جنين]

رفعوا شعار الانسان لازم يهلك ... ونسوا شعار الانسان أغلى ما نملك
الوضع لازمه حد
ولا بد له من يد
ولا بدنا كفوف عالخد
بدنا حل نهائي وعلاج للمرض الوبائي
المرض الوبائي يلي صابنا كلنا
الله يصحي الضمائر

حسبي الله ونعم الوكيل

[دلع القمر]

اسعدني مرورك بنت من جنين


تحياتي الك